Jizzax viloyat musiqali drama teatrida O‘zbekison Respublikasi madaniyat vazirligi hamda Maktab va maktabgacha ta’lim vazirligi tomonidan tashkillashtirilgan Turon maktab teatri tanlovining viloyat bosqichi bo‘lib o‘tdi.

Unda hududiy bosqichlarda birinchilikni qo‘lga kiritgan Jizzax shahri va o‘n ikki tuman jamoalari tanishtiruv, savol-javob hamda “Teatr ibratxonadir” mavzusida sahna ko‘rinishi shartlari bo‘yicha o‘zaro bellashishdi.

Yakunda barcha jamoalarga esdalik sovg‘alar taqdim etildi. Paxtakor tumani jamoasi g‘oliblikni qo‘lga kiritib, respublika bosqichiga yo‘lanmani qo‘lga kiritdi.