1-iyun — Xalqaro bolalarni himoya qilish kuni munosabati bilan Jizzax viloyat musiqali drama teatrida «Sariq devni minib» spektakli namoyish etildi.
X.To‘xtaboyevning «Sariq devni minib» asari asosida Xamroz Mahmudov tomonidan sahnalashtirilgan mazkur spektakl shahar tibbiyot birlashmasi, Jizzax don mahsulotlari AJ, Viloyat suvoqova, O‘zbektelekom, Ichki ishlar boshqarmasi, Milliy gvardiyaga qarashli nogironligi bo‘lgan bolalar hamda tomoshaga ishtiyoqmand bo‘lgan yosh tomoshabinlar e’tiboriga havola etildi.
Sahna asarida o‘qimasdan agronom bo‘lishga ahd qilgan Hoshimjonning sarguzashlari va boshidan kechirganlari hikoya qilinadi. Unga bu yo‘lda «Sehrli qalpoqcha» yordam beradi.
Spektakl so‘ngida Hoshimjon bilimsiz hech narsaga erishib bo‘lmasligini, diplom hech qanday kuchga ega emasligini tushunib yetadi.
Spektakl bolajonlarga manzur bo‘ldi.